நடிகை ரெஜினா! நமக்கு பாலியல் தொல்லை கொடுத்தால் அதை தைரியமாக வெளியில் சொல்ல வேண்டும்

நடிகை ரெஜினா! நமக்கு பாலியல் தொல்லை கொடுத்தால் அதை தைரியமாக வெளியில் சொல்ல வேண்டும்

நடிகை ரெஜினா கெசாண்ட்ரா, முதன் முறையாக ‘கண்ட நாள் முதல்’ படத்தின் மூலம் தமிழ் சினிமாவில் அறிமுகமானார். அதையடுத்து பாண்டிராஜ் இயக்கத்தில் ‘கேடி பில்லா கில்லாடி ரங்கா’ படத்தில் நடித்தார். இந்தப் படம் மூலம் ரசிகர்களிடம் மனதில் இடம் பிடித்தார் ரெஜினா. இவர் தமிழ் மட்டுமின்றி கன்னடம் மற்றும் தெலுங்குப் படங்களிலும் நடித்துள்ளார்

தற்போது இவர் ‘நெஞ்சம் மறப்பதில்லை’, ‘சிலுக்குவார்பட்டி சிங்கம்’, ‘பார்ட்டி’, ‘மிஸ்டர் சந்திரமௌலி’, இரண்டு தெலுங்குப் படங்களில் நடித்து வருகிறார். மேலும் இவர் இந்தியிலும் அறிமுகமாகவுள்ளார்.

இவர் சினிமாவில் நடக்கும் பாலியல் தொல்லை குறித்து கூறுகையில், “சினிமாவில் அதிகமாக பாலியல் தொல்லை இருக்கிறது. அதற்காக நான் மிகவும் வருந்துகிறேன். சினிமாவில் மட்டுமல்ல, எல்லா இடங்களிலும் பெண்களுக்கு இந்தத் தொல்லை அதிகமாகவே இருக்கிறது.

சினிமா என்பதால் சீக்கிரமாகவே அது வெளியில் தெரிந்துவிடுகிறது. ஒருவர் நமக்கு பாலியல் தொல்லை கொடுத்தால், அதைத் தைரியமாக வெளியில் சொல்ல வேண்டும். அப்போதுதான் மற்றவர்கள் பயப்படுவார்கள். சினிமா வாய்ப்புக்காக அப்படியொரு காரியத்தை செய்ய வேண்டும் என அவசியமில்லை” என்றார் ரெஜினா.