ரசிகர்கள் மகிழ்ச்சி நாளை திரைக்கு வரும் 4 படங்கள் | வீடியோ உள்ளே.!!

ரசிகர்கள் மகிழ்ச்சி நாளை திரைக்கு வரும் 4 படங்கள் |  வீடியோ உள்ளே.!!

மார்ச் 1ம் தேதியை முன்னிட்டு, ரசிகர்கள் மத்தியில் எதிர்பார்ப்பை பெற்றுள்ள 90 எம்.எல், தடம், தா தா 87, திருமணம் உள்ளிட்ட படங்கள் வெளியாகவுள்ளன.

90 எம்.எல்

இந்த வாரம் வெளிவரும் படங்களில் பெரிய எதிர்பார்ப்பை பெற்றுள்ள மற்றொரு படம் 90 எம்.எல். இதற்கு காரணம் பிக்பாஸ் நிகழ்ச்சிக்கு பிறகு ஓவியா நடிப்பில் வரும் முதல் படம். அதை தொடர்ந்து 90 எம்.எல் பெரியவர்களுக்கான படம் என்பது தான். அடல்ட் காமெடி வகை படங்களுக்கு தமிழ் சினிமாவில் வரவேற்பு கூடி வருகிறது. அதை பின்பற்றி ‘90 எம்.எல்’ தயாரிக்கப்பட்டுள்ளது. அனிதா உதீப் என்ற பெண் இயக்குநரின் இயக்கத்தில் இப்படம் உருவாகியுள்ளது.

இதில், ஓவியா உடன் அன்சன் பால், மசூம் சங்கர், மோனிஷா ராம், ஸ்ரீ கோபிகோ உள்ளிட்ட பல புதுமுகங்கள் நடித்துள்ளனர். நடிகர் சிம்பு இந்த படத்திற்கு இசையமைத்துள்ளார். படத்தின் டிரெய்லர் வெளியான நிலையில் அதை சர்ச்சையை கிளப்பியது. இந்நிலையில் நாளை படம் வெளிவருகிறது. அடுத்தடுத்த நகர்வுகளை பார்க்க காத்திருக்கிறது தமிழகம்.

திருமணம்

குடும்ப படங்கள், உறவுகளில் ஏற்படும் முரண்பாடுகள் தொடர்பான கதை களங்களுக்கு பெயர் பெற்ற சேரனின் இயக்கத்தில் நாளை வெளிவரும் படம் ‘திருமணம்’. 2015ல் வெளியான ‘ஜே.கே என்னும் நண்பனின் வாழ்க்கை’ படம் தான் சேரன் இயக்கிய கடைசிப் படம்.

சரியாக 4 ஆண்டுகளுக்கு பிறகு அவர் இயக்கத்தில் ‘திருமணம்’ படம் வெளிவருகிறது. இதுவும் குடும்ப உறவுகளை மையப்படுத்திய கதை தான். உமாபதி ரமேஷ், காவ்யா சுரேஷ் முதன்மை கதாபாத்திரங்களில் நடித்துள்ளனர். சேரன், தம்பி ராமையா, சுகன்யா, மனோபாலா ஆகியோர் முக்கிய கதாபாத்திரங்களில் நடித்துள்ளனர்.

தடம்

2012ம் ஆண்டு வெளியான ’தடையற தாக்க’ படத்தை தொடர்ந்து அருண் விஜய், மகிழ் திருமேனி ஹிட் கூட்டணியில் தாயாராகியுள்ள படம் ‘தடம்’. அதிரடி, த்ரில்லர் கதையமைப்பில் தயாராகியுள்ள இப்படம் 2017ம் ஆண்டே முடிக்கப்பட்டு விட்டாலும், சில கால தாமதத்திற்கு பிறகு இந்தாண்டு வெளிவருகிறது.

வழக்கம் போல அதிரடி நாயகனாக அருண் விஜய் நடித்திருக்க, அவருடன் தான்யா ஹோப், சோனியா அகர்வால், வித்யா பிரதீப், யோகி பாபு, சூரி, ஃபெப்ஸி விஜயன் உள்ளிட்டோர் முக்கிய கதாபாத்திரங்கள் நடித்துள்ளனர். இந்த படத்தின் டிரெய்லருக்கு நல்ல வரவேற்பு இருந்தது. அதை தொடர்ந்து ’தடம்’ படம் வசூலில் தடம் பதிக்கும் என எதிர்பார்க்கப்படுகிறது.

தா தா 87

விஜய் ஸ்ரீ இயக்கத்தில் சாருஹாசன், ஜனகராஜ், யானை கதிர் போன்றோர் நடிப்பில் நாளை வெளிவரும் படம் ‘தா தா 87’. 1988ம் ஆண்டு தமிழில் வெளியான ‘சத்யா’ படத்தின் தாக்கத்தில் இப்படம் உருவாக்கப்பட்டுள்ளதாக தகவல்கள் தெரிவிக்கின்றன.

அதிரடிப் படமாக இருந்தாலும், காமெடி, ரோமேன்ஸ் மற்றும் செண்டிமென்ட் போன்றவற்றுக்கு கதையில் முக்கியத்துவம் உண்டு. மேலும், ’தா தா 87’ படத்தின் நடிகை கீர்த்தி சுரேஷின் பாட்டி சரோஜா முக்கிய கதாபாத்திரத்தில் நடித்துள்ளார்.